YMWELIADAU MEWNOL

12 Mehefin

Ymweliad Llysgennad yr UE i’r DU â Chymru

Ymwelodd Llysgennad yr UE â Chymru yng nghwmni Llysgennad Awstria ac Uchel Gomisiynydd Cyprus. Yn ystod ei ymweliad gwnaeth gyfarfod â Phrif Weinidog Cymru, Ysgrifennydd y Cabinet dros yr Economi a'r Gymraeg ac Ysgrifennydd y Cabinet dros Newid Hinsawdd a Materion Gwledig. Trafodwyd yn ystod y cyfarfodydd hyn y berthynas economaidd rhwng Cymru a'r UE, dinasyddion yr UE yng Nghymru, heriau ers Brexit, Cytundeb Masnach a Chydweithrediad yr UE, ffynonellau cyllidi i gymryd lle rhai’r UE, Taith, Horizon Europe, yr economi gylchol, polisi amaethyddol ar ôl Brexit, llywodraethu amgylcheddol, sero net a’r newid yn yr hinsawdd.

YMWELIADAU ALLANOL

05 Mehefin

21 Mehefin

Ymweliad Prif Weinidog Cymru â Normandi

Teithiodd Prif Weinidog Cymru i Normandi er mwyn nodi pedwar ugain o flynyddoedd ers D-Day ac er mwyn cyfarfod â chyn-filwyr Cymreig 

Ymweliad Ysgrifennydd y Cabinet dros yr Economi a’r Gymraeg ag Ynys Manaw ar gyfer BIC

Teithiodd Gweinidog yr Economi a'r Gymraeg i Ynys Manaw ar gyfer 41ain Uwchgynhadledd y Cyngor Prydeinig-Gwyddelig. Trafododd yr Uwchgynhadledd ystod o ddatblygiadau gwleidyddol ac economaidd ar draws y gweinyddiaethau gan gynnwys gwahanol ffyrdd y mae gweinyddiaethau'n datblygu mentrau i wireddu cyfleoedd ynni adnewyddadwy i ysgogi twf economaidd a chefnogi ymdrechion datgarboneiddio.